اسم امك يفسر شخصيتك

سلام

يقول الشاعر:
عن المرء لاتسأل وسل عن قرينهِ
............................... فكل قرينٍ بالمقارن يقتدي
والقرين هنا يقصد به (الأم) << لحد يدقق
وقال الشاعر الثاني :

الأم مدرستن اذا اعددتها
.................... اعددت شعباً طيب الأعراقي

كل هذه القصائد وغيرها تدل على رابطه قويه بين الأم والولد

وكلنا نذكر تلك الأنشوده التي نحفضها منذ الصغر

امي امي ما احلاها .... هي في قلبي ما انساها

الله الله ......................

اخواني اخواتي

صرح مصدر مسؤول في وزارة الداخليه , عن وجود علاقه وثيقه بين

اسم امك وشخصيتك انت

لحد يستغرب , وش الفرق بيني وبين اللي يلعبون على الناس .......

كل يوم طالعين بسالفه وموضوع جديد .

اعرف شخصيتك من لون عيونك ,
اعرف شخصيتك من عدد هدب عيون قطوت جيرانكم .
اعرف شخصيتك من مقاس نعال ابوك
اعرف شخصيتك من مجموع ارقام جوالك

من جد

وش فرقي عنهم على الاقل انا عندي دليل /

نبدأ في الشرح

ابكتب اسم امك وبعدها شخصيتك بس بعد دراسه لاتحسبون الموضوع خبط لزق , ايه انتبهوا

نوره >
يعني انك تكره الضلماء وشخصيتك مرحه وتحب الخبز التميس وتنوم في النور

ساره >
دايم مسرور وتحب الأسرار وسرك كبير يعني فتحت سرك كبيره

فاطمه >
يعني فاطمتك امك وانت صغير وجتك عقده من الحليب وتحب الفنانه فاطمه زهره العين (الاماراتيه)

سلمى >
انت مسالم وتحب تسلم على اللي تعرف واللي ماتعرف وتحب الفول وتلبس ثياب خفيفه

منيره >
انت نصاب وتحب تسوي نفسك و.............. واطلع من موضوعي لا العن .... يلله اطلع

سلوى >
تحب تناظر افلام كرتون وخصوصاً سالي وليدي وانت مريض بداء الصلع وتحب الجح ( البطيخ)

منى >
تحب تتمنى و وسيع صدر و قلبك دايم مفتوح للناس بس ضروفك الماديه صعبه

الجوهره وجواهر >
هذي محلات خضره في الرياض بس ماعلينا منها خلونا في موضوعنا المهم
انت تحب الجواهر والمجوهرات بس انك طفران يعني تناظرها من بعيد ولا تقدر تشتري
وتحب تشرب عصير ثلاث جواهر بالطماط

ليلى >
عكس نوره بس بأختلاف بسيط انك ثقيل دم وتنام في الظلماء

عبير >
تحب الخياس , عكس اسم امك لأنك تعقدت من العبير والريحه الحلوه مع الوقت بس فيك خصله حلوه انك بار بوالديك وتحب اللاعب رونالدينو لدرجة انك ودك تصير بنت ويتزوجك

عايشه >
تحب الأكل والعيشه الكريمه وتحب تقعد في غرفة المعيشه ( يعني الصاله للقراوى ) وتحب تسمع صوت مكينة الخياطه حقت امك وهي تخيط صراويل وشراريب لك

علياء >
تحب النوم ودب ودايم تشتكي من ضروسك بس الضرس دواه القلع ماينفع اسبرين لانه يضر بالكبد المهم ماعلينا , بس فيك خصله سيئه تحب تمص اصبعك الكبير حق رجلك اليسرى ودايم تقعد في السطح عشان يقولون لك انك تحب العلو والعلاء على اسم امك مالت عليك وعليها

حصه >
دافور يعني تحب الدراسه لأنها معك في كل مكان . بس مستقبلك مضلم بسبب تسلط امك عليك خصوصاً في تحديد مستقبلك التعليمي .... لا تتزوج ان كنت اعزب .... وطلق حرمتك ان كنت متزوج .... لانك بتواجه مشاكل مايعلمها الا الله

لطيفه وفوزيه >
مافيه أي رابط بين الأسمين بس الدراسه تقول انك لطيف ودايم تفوز بأي منافسه تدخلها
خصوصاً اذا لعبت سوني وعلى فكرة انت وسيم وجذاب وكل البنات يتمنون غمزة منك ( أحم, بسم الله علي ) .
بس لا تفرح .... بمجرد موت امك راح تنقلب حياتك لجحيم لأنك بتفقد كل الثقه في نفسك .

شيخه واميره وملاك >
بتصير فراش مهما درست ومهما اجتهدت لأنك راح تكون مغرور وراح ترفظ اي وضيفه تجيك بسبب اسم امك اللي بتضيعك .. من رايي انك تطلع من البيت وتعيش بلحالك ... عشان تفتك من اسم امك اللي بيضيع مستقبلك ... او اعرض نفسك على شيخ جليل يقرا عليك .

هبه >
اصلاً الخليج كله مافيه أم اسمها هبه كلكم شهبان لهبان من وين لكم هبه ... بس لو قلنا انه موجود .. شخصيتك راح تكون بخيل وتعد فلوسك كل يوم وقليل عقل ودين ومالك اي فايده

فهده و شيهانه و لبوه >
تخيل اسم امك لبوه معليش هو طلع معي كذا المهم ماعلينا ... راح تكون خواف بس بايعها عند الظروره اسم امك يولد عندك الأندفاع والأنقضاض على الفريسه بدون تفكير ... حياتك مهدده بالخطر من الصيادين .

موضي >
تحب تسمع للطقاقات مثل موضي الشمراني وخصوصاً اغنيه ياهلي الروح تعبانه جيبوا لي دكتور نفسيه .. والأغلب انك عاطفي وعندك مشاكل عائليه ...لا تاكل لا سمك و لا بيض لأنه يجيب لك الحساسيه في الإبط .

غاده >
رقيق الأحساس جميل المنظر حسن المحيا بهي الطله ابيض القلب ... لا تفرح كل هذي الصفات مو منك هذا من امك الله يخليها لك خصوصاً اذا كانت عائله امك الرزوقي يعني اسم امك غاده الرزوقي على اسم المذيعه غاده الرزوقي مذيعة تلفزيون الكويت ( ياعمري)

مشاعل >
ناعم لطيف خفيف عفيف نظيف لك ميول انثويه يعني ناعم بزياده لدرجه انك تحط مكياج ... بس انك رجل عند اللزوم خصوصاً في ساحات المعارك والحروب ... لك صنادح يعني شعرك طايح مصلع شوي وغالبأ يكون طولك معتدل

طبعا الموضوع جاد ولا يقبل المزح والهبال ,

من جد

لاتنسو الردود

مشكوووووووووووووور ع الموضوع

مرسي ياسر

منحرج لا أسطى طيع التعبير

عدد الرسائل : 12 تاريخ التسجيل : 14/04/2008

مشكوووووور ياسر ع الموضوع

مشكزووووووووووووووووووووووووووووووو خيووووو

مشكوور مرة أخرى

لاشكرا على واجب

عدد الرسائل : 3 تاريخ التسجيل : 08/06/2008

شكرا على الموضوع شكراياسر Very Happy

شكرا على الموضوع ياسر

عدد الرسائل : 5 تاريخ التسجيل : 29/09/2008

تسلم ياسر